कइसे गावन हम विजय गान?
बरसा असाढ़ मा पानी, सूखा बजरा अउर उरिद धान।
जुँढरी मक्का न भई तनिक, रहि-रहि कै व्याकुल होति प्रान।
लरिकन का ककस जियइबे हम, सोचित देबे कइसे लगान।
कइसे गावन हम विजय गान?
हम पारसाल कातिक महियाँ, दुइ मन ब्यौहर ते लीन नाजु।
बइसाख मा हुइगा तीन मने, फिर चला दुअन्नी का बिआजु।
आवा ता गुड़इतु अबै- अबै कहिगा, आव का फिरि विहान।
कइसे गावन हम विजय गान?
झगरा हुइ रहा विलाइति मा, जेहिते हमार ना सरोकार।
मुलु चन्दा कइहाँ जिलेदार, हमका गाँसति है बार-बार।
बेदखलिव कइहाँ धमकाइनि, आफति मइहाँ परी जान।
कइसे गावन हम विजय गान?
लरिका बड़कउना कम्पू मा, नौकरी मील मा रहे करत।
हरताल अबै जो भै राहे, बहिमा बहु धरना रहे धरत।
फिरि कामु न बहिका मिला हुवाँ, हुइ गयन हम बहुत परेशान।
कइसे गावन हम विजय गान?
छोटकउना छापाखाने मा, जइसे-तइसे था करत काम।
गांधी की कांगरेस मइहाँ, दीन्हेसि लिखाय बहु अपना नाम।
है सुना कि ह्वैगा नज़रबंद, घरुभारि हमार अब बिलबिलान।
कइसे गावन हम विजय गान?
हम तार-वार कछु न काटा, हमतौ आफति मा परे रहन।
भोरही कटिया काटें खातिन, गड़सिया उसीसे धरे रहन।
रतिही मा लीन तलाशी गै, जोखिम का साबित भा समान।
कइसे गावन हम विजय गान?
हमतेनि कहेनि चिपउनू फिरि, अब पड़ी ज़ेहलखाने जाना।
या नज़रि दरोगा साहब कै, अब पड़ा डेढ़ सौ भुगताना।
करजा लइके हम दिहिन घूस, वहिमा हरहौ-गोरू बिकान।
कइसे गावन हम विजय गान?
वहि दिन फिरि के आई पुलिस, अउ गाँव भरे का घेर लीन।
चंदा सबतेनी फिरि लीन्हेसि, मारिस वहिका जै देर कीन।
हम बहुत लुकेन मुलु पकरि गयेन, खोपरी हुइगै लहू-लुहान।
कइसे गावन हम विजय गान?
हम मरि-मरि कै जो कुछु ज्वारन, वहिका ना पाइत कबौ खाय।
लरिका हमार नंगे घूमें, दाना-दाना का बिलख जाय।
हम भूख-भूख चिल्लाइत है, उइ करत स्वान से तुला-दान।
कइसे गावन हम विजय गान?
मुलु अब जब सत्यानास भयेन, तब साढ़े सत्यानास ह्वाव।
अब काहे कइहाँ हम डेरान, का तुरुको से अब भुरुक ह्वाव।
अब कांगरेस मा करबु काम, कइल्याव नाव दइके परान।
कइसे गावन हम विजय गान?
(यह मार्मिक कविता पंडित दीप नारायण शुक्ल ‘दीप’ ने डिस्ट्रिक्ट जेल उन्नाव में विजयादशमी 1942 को लिखी थी. इसे सबसे पहले “रामराज्य” ने 12 अक्टूबर 1945 के अंक में छापा था. बहरहाल मैंने इसे कानपुर की पत्रिका ‘मातृस्थान’ के अक्टूबर 2015 के अंक से साभार लिया है. श्री अनूप शुक्ल की इस पत्रिका का प्रकाशन फिलहाल स्थगित है. इस कविता को पढ़कर पता चलता है कि जो लोग ब्राह्मणों को हर बात के लिए गरियाते हैं, वे देखें कि गरीबी ने कैसे उन्हें गुलाम बनाया हुआ है.)
बरसा असाढ़ मा पानी, सूखा बजरा अउर उरिद धान।
जुँढरी मक्का न भई तनिक, रहि-रहि कै व्याकुल होति प्रान।
लरिकन का ककस जियइबे हम, सोचित देबे कइसे लगान।
कइसे गावन हम विजय गान?
हम पारसाल कातिक महियाँ, दुइ मन ब्यौहर ते लीन नाजु।
बइसाख मा हुइगा तीन मने, फिर चला दुअन्नी का बिआजु।
आवा ता गुड़इतु अबै- अबै कहिगा, आव का फिरि विहान।
कइसे गावन हम विजय गान?
झगरा हुइ रहा विलाइति मा, जेहिते हमार ना सरोकार।
मुलु चन्दा कइहाँ जिलेदार, हमका गाँसति है बार-बार।
बेदखलिव कइहाँ धमकाइनि, आफति मइहाँ परी जान।
कइसे गावन हम विजय गान?
लरिका बड़कउना कम्पू मा, नौकरी मील मा रहे करत।
हरताल अबै जो भै राहे, बहिमा बहु धरना रहे धरत।
फिरि कामु न बहिका मिला हुवाँ, हुइ गयन हम बहुत परेशान।
कइसे गावन हम विजय गान?
छोटकउना छापाखाने मा, जइसे-तइसे था करत काम।
गांधी की कांगरेस मइहाँ, दीन्हेसि लिखाय बहु अपना नाम।
है सुना कि ह्वैगा नज़रबंद, घरुभारि हमार अब बिलबिलान।
कइसे गावन हम विजय गान?
हम तार-वार कछु न काटा, हमतौ आफति मा परे रहन।
भोरही कटिया काटें खातिन, गड़सिया उसीसे धरे रहन।
रतिही मा लीन तलाशी गै, जोखिम का साबित भा समान।
कइसे गावन हम विजय गान?
हमतेनि कहेनि चिपउनू फिरि, अब पड़ी ज़ेहलखाने जाना।
या नज़रि दरोगा साहब कै, अब पड़ा डेढ़ सौ भुगताना।
करजा लइके हम दिहिन घूस, वहिमा हरहौ-गोरू बिकान।
कइसे गावन हम विजय गान?
वहि दिन फिरि के आई पुलिस, अउ गाँव भरे का घेर लीन।
चंदा सबतेनी फिरि लीन्हेसि, मारिस वहिका जै देर कीन।
हम बहुत लुकेन मुलु पकरि गयेन, खोपरी हुइगै लहू-लुहान।
कइसे गावन हम विजय गान?
हम मरि-मरि कै जो कुछु ज्वारन, वहिका ना पाइत कबौ खाय।
लरिका हमार नंगे घूमें, दाना-दाना का बिलख जाय।
हम भूख-भूख चिल्लाइत है, उइ करत स्वान से तुला-दान।
कइसे गावन हम विजय गान?
मुलु अब जब सत्यानास भयेन, तब साढ़े सत्यानास ह्वाव।
अब काहे कइहाँ हम डेरान, का तुरुको से अब भुरुक ह्वाव।
अब कांगरेस मा करबु काम, कइल्याव नाव दइके परान।
कइसे गावन हम विजय गान?
(यह मार्मिक कविता पंडित दीप नारायण शुक्ल ‘दीप’ ने डिस्ट्रिक्ट जेल उन्नाव में विजयादशमी 1942 को लिखी थी. इसे सबसे पहले “रामराज्य” ने 12 अक्टूबर 1945 के अंक में छापा था. बहरहाल मैंने इसे कानपुर की पत्रिका ‘मातृस्थान’ के अक्टूबर 2015 के अंक से साभार लिया है. श्री अनूप शुक्ल की इस पत्रिका का प्रकाशन फिलहाल स्थगित है. इस कविता को पढ़कर पता चलता है कि जो लोग ब्राह्मणों को हर बात के लिए गरियाते हैं, वे देखें कि गरीबी ने कैसे उन्हें गुलाम बनाया हुआ है.)
No comments:
Post a Comment